जि.प.माजी अध्यक्ष अजयभाऊ कंकडालवार यांच्याकडून दुचाकी अपघातातील गंभीर रुग्णाला उपचारासाठी आर्थिक मदत.
विदर्भक्रांती न्यूजनेटवर्क
अहेरी : दुचाकी अपघातात गंभीर जखमी झालेल्या रुग्णांची आविसं काँग्रेसचे नेते व माजी जि.प.माजी अध्यक्ष तथा अहेरी बाजार समिती सभापती अजयभाऊ कंकडालवार यांनी रुग्णालयात जाऊन भेट घेऊन त्यांचा प्रकृतीची विचारपूस करून त्यांना पुढील उपचारासाठी आर्थिक मदत केली.
अहेरी तालुक्यातील जीमेला येथील रहिवाशी विलास आत्राम यांची काही दिवसापूर्वी हाताची शस्त्रक्रिया करण्यात आली होती.दरम्यान हाताला ड्रेसिंग करण्या करीता स्वगाव असलेला जीमेला येथील रोहित सडमेक व विलास आत्राम हे दोघे हेमलकसा येथून दुचाकीने परत येत असताना दुचाकीचे नियंत्रण बिघडल्याने खाली कोसळले.
या अपघातात त्यांच्या डोक्याला व तोंडाला जबर मार लागल्याने त्यांना गडचिरोली जिल्हा सामान्य रुग्णालयात रेफर करण्यात आले.याबाबत स्थानिक कार्यकर्त्यांकडून जि.प.माजी अध्यक्ष अजय कंकडालवार यांना माहिती मिळताच त्यांनी रुग्णालयात धाव घेत रुग्णांची प्रकृतीची विचारपूस करून त्यांना पुढील उपचारासाठी आर्थिक मदत केली.
रुगांना आर्थिक मदत करतांना अहेरी नगरपंचायतचे नगरसेवक प्रशांत गोडसेलवार,मारपल्ली ग्रामपंचायतचे माजी उपसरपंच कार्तिक तोगम,दीपक संगमवारसह स्थानिक आविसं काँग्रेसचे पदाधिकारी कार्यकर्ते उपस्थित होते.
