आल्लापल्ली येथील ना.आत्राम यांचे शेकडो समर्थकांचे काँग्रेस पक्षात प्रवेश..!
विदर्भक्रांती न्यूजनेटवर्क…. प्रतिनिधी…
अहेरी : तालुक्यातील आल्ला पल्ली येथील राष्ट्रवादी काँग्रेस पक्ष अजित पवार गटाचे विद्यमान आमदार व महाराट्र राज्याचे कॅबिनेट मंत्री ना.धर्मरावबाबा आत्राम यांचे खंदे व शेकडो कट्टर समर्थकानी आपल्या पक्षाला रामराम करीत भारतीय राष्ट्रीय काँग्रेस पक्षात नुकताच प्रवेश केले.
या पक्षप्रवेशात ग्रामपंचायत सदस्या माया प्रकाश कोरेत,शाहीजीदार रुस्तमाखाॅ पठाण,किशोर सडमेक,प्रकाश कोरेत,सतीश कोरेत,संजू आत्राम,जागपती सडमेक,साईनाथ उरेते,तिरुपती सडमेक,पत्रू पोच्या आत्राम,सुरेश आलम,दिलीप आत्राम,दौलत उरेते,अमोल आत्राम,मनोज सडमेक,प्रभाकर आत्राम,बबूराव मडावीसह अहेरी विधानसभा क्षेत्रातील अनेक मुख्य पदाधिकारी व कार्यकर्त्यांनी त्यांच्या पक्षातील अंतर्गत नाराजीमुळे काँग्रेसचे हात धरले.
सदर पक्षप्रवेश सोहळा काँग्रेस पक्षाचे समन्वयक कंकडलवार यांच्या निवासस्थानी राज्याचे विरोधी पक्षनेते ना.विजयभाऊ वडेट्टीवार व खासदार डॉ.नामदेव किरसान यांच्या नेतृत्वात तर गडचिरोली जिल्हा परिषदेचे लोकप्रिय माजी अध्यक्ष तथा अहेरी कृषी उत्पन्न बाजार समितीचे सभापती अजयभाऊ कंकडालवार व आदिवासी काँग्रेस सेलचे जिल्हा अध्यक्ष हनमंतू मडावी यांच्या मार्गदर्शनाखाली पार पडला.
काँग्रेस पक्षात प्रवेश केलेल्या सर्व पदाधिकारी व कार्यकर्त्यांची ना.विजयभाऊ वडेट्टीवार,खासदार डॉ.नामदेव किरसान काँग्रेसनेते अजयभाऊ कंकडालवार,जिल्हा अध्यक्ष हनमंतू मडावी यांच्या हस्ते शाल व पक्षाचे दुप्पटा टाकून पक्षात स्वागत करण्यात आले.
यावेळी काँग्रेस पक्षाचे स्थानिक पदाधिकारी व कार्यकर्ते मोठ्या संख्येने उपस्थित होते.
