काँग्रेस नेते अजयभाऊ कंकडालवार यांच्या हस्ते सोलह प्रहर नाम संकीर्तन कार्यक्रमाचे उदघाटन….!
विदर्भक्रांती न्यूजनेटवर्क… प्रतिनिधी..
मुलचेरा : मुलचेरा तालुक्यात बंगाली बांधवांची लोकसंख्या जास्त असल्याने इथे दरवर्षी मोठ्या प्रमाणात धार्मिक कार्यक्रम घेतले जातात.दरवर्षी प्रमाणे यंदाही श्रीनगर येथे सार्वजनिक श्री श्री राधाकृष्ण भजन मंदिरकडून सोलह प्रहर नाम संकीर्तन कार्यक्रम आयोजित केले होते.
सोलह प्रहर नाम संकीर्तन कार्यक्रमाचे उदघाटन आविसं,काँग्रेस अहेरी विधानसभा क्षेत्र समन्वयक व माजी जि.प.अध्यक्ष तथा अहेरी बाजार समितीचे संचालक अजय कंकडालवार आणि आदिवासी काँग्रेस आघाडीचे जिल्हा अध्यक्ष हणमंतु मडावी यांच्या हस्ते करण्यात आली.त्यावेळी कंकडालवार यांनी मंदिरात विधिवत पूजन करत देवी देवतांची आशिर्वाद घेतले.
माजी जि.प.अध्यक्ष अजयभाऊ कंकडालवार यांनी दर्शन घेतांना गडचिरोली जिल्ह्यात यावर्षी चांगला पाऊस पडूदे आणि सर्वसामान्यांच्या आयुष्यात सुख- समृद्धी,समाधानाचे चांगले दिवस येऊ दे,यासाठीच्या आमच्या प्रयत्नांना बळ दे,अशी प्रार्थना केले.
अजय कंकडालवार यांनी कार्यक्रमाचे उदघाटन केल्यानंतर येथील भाविकांची आणि उपस्थित नागरिकांची भेट घेऊन समस्या जाणून घेतले.
यावेळी काँग्रेसचे पदाधिकारी व कार्यकर्ते तसेच परिसरातील भाविक,स्थानिक नागरिक मोठ्या संख्येने उपस्थित होते.
